Unknown Number - Chapter 1 Narinig ko may nagdoorbell sa pintuan namin at nalaman ko na nadito na yung mga kaibigan ko para sa sleepover party namin. Tumakbo akong pababa at nakita ko yung mga kaibigan ko na nagsipasukan na sa bahay. "Uy Yumi. Hindi ka namin nakita sa school today. Saan ka nagpunta?" tanong sa akin ng kaibigan ko na si Cham. "Tinamad ako pumasok plus di ba may exam tayo kanina? Isa na rin yun bakit hindi ako pumasok." sumagot ako at tumawa. "Same old Yumi. Di ka talaga nagbabago." "Malamang! Ako to eh! Oh ano, magdadaldalan na lang ba tayo o aakyat na tayo at sisimulan na natin to?" "Akyatan na. Mamaya makatulog pa ako sa pagdadaldalan natin eh." sabi ng isa ko pang kaibigan na si Dre. "Eps! Walang tulugan. Kaya nga sleepover diba." tawa ni Cham at lahat kami at pumanik papunta sa kwarto ko. Nagsalang si Dre ng mapapanood at nilabas ni Cham lahat ng pagkain na kakainin namin. Naglatag sila ng mga higaan nila at pumuwesto ako sa kama ko. Humiga ako sa ilalim ng kumot ko at nagsimula na ang pinikula at tahimik kami nanood. *** Nagising na lang ako at nakita ko na nakatulog na sila Dre at Cham. "Wala daw tulugan. Asus!" tumawa ako ng patahimik at bumangon sa kama ko. Naiwan nakabukas ang TV kaya pinatay ko bago ko kinuha ko ang cellphone ko at lumabas ng kuwarto. Nakita ko yung nanay ko na nagkakape sa kusina habang nagbabasa ng libro kaya't tinabihian ko at kinausap ko siya. "Ba't gising pa po kayo?" tanong ko sa kanya. "Nagising kapatid mo kaya kinailangan ko pa siyang patulugin ulit; hindi na ako nakatulog pagkatapos. Ikaw anak? Bakit gising ka pa? Tulog na mga kaibigan mo ah." "Nagising lang po ako at nakita ko natulugan pala namin yung pinapanood namin." "Puwes matutulog na ako. Matulog ka na rin. Porket wala kang pasok bukas hindi ibig sabihin papabayaan na kitang mag puyat ngayon. Tulog na Yumi; umaga na." sabi ni Nanay. "Opo Nay. Goodnight." sabi ko at umakyat na si Nanay habang natira akong magisa sa kusina. Ininom ko yung natirang kape ni inay at binasa ko yung librong iniwan niya. Hanggang biglang tumunog ang cellphone ko. Bagong text ang nagpakita sa screen pero hindi ko nakilala yung number. 'Patawarin mo na ako. Alam kong nagsasawa ka na sa paulit-ulit natin pagbabangyan pero hindi ko talagang mapigilan ang sarili ko na magtanong. I'm sorry baby. Patawarin mo na ako. Mahal na mahal kita. Hindi ko kayang mawala ka sa buhay ko.' - Unknown Number. Ha? Ano to? Gaguhan? Sino naman magtetext sa akin ng ganito sa ganito pang oras. 'Uhm, sorry po. Nagkamaling number po yata kayong sinend. Pasensya na po ulit. Sana magka-ayos kayo ng mahal niyo. Goodnight po.' Ni replyan ko yung number at pumanik na ako sa kuwarto ko. Pinatay ko yung ilaw bago umakyat ako sa kama ko at bumalik sa pagtutulog.